www.2ral.ucoz.com

İçimdəki YOXLUQ

2ral — Wed, 02 Jun 2010 16:09:48 GMT

Ey Yoxluq, bu qədər maraqlısanmı məndə qalmağa?

"100 Gün tamam oldu".

2ral — Wed, 02 Jun 2010 16:04:53 GMT

"Ailə bir evdir. Həmin evin adı Xoşbəxtlikdir. Evin sütunları isə ailənin üzvləridir.
Həmin üzvlərdən biri olmazsa xoşbəxtlik evi də dağılar..."

Pəncərənin o üzündən boylanan günəşin gözlərimə saldığı şualar oyatdı məni bu gün. Yorğun idim. Elə yorğun idim ki, yerimdən tərpənmək belə istəmirdim. Gecəni yata bilməmişdim yenə. "Yenə" deyirəm, çünki artıq yuxusuz gecələrimin 100 günü açıldı. Bəli. Düz 100 gün... Səni əvəz edən sənsizliyin 100-cü günü. Artıq 100 gündür ki, yemək süfrəsi hazırlayan zaman 4 nəfərlik hazırlanır... Artıq 100 gündür ki, 7-ci sinif kitablarının üzü açılmır... 100 gündür ki, yatağın sənsiz qarşılayır gecəni, sənsiz də yola salır... Düz 100 gün... Düz 100 gündür ki, sən yoxsan. Yox! Aman Allah! Mən nə danışıram! Əlbəttə ki, sən varsan. Əlbəttə. Axı mən bütün günü danışıram səninlə. Dərsə gedəndə də, uzananda da, yeyəndə də danışıram. Çox heyf ki, mən danışıram ancaq. Cavab gözləyirəm səndən. Nə səs gəlir, nə səmir... Nə olsun ki. Mən bilirəm onsuz. Bilirəm ki, duyursan məni. Hər halımdan xəbərdarsan. Dəli kimiyəm... İçimdəki sıxıntını başa sala bilmirəm heç kəsə.

Bacarmıram... Bilirsən, dəftərinin arasından "ailəm" mövzusunda yazdığın yazını tapmışam. Qəribədi,mən həmin dəftərə bir neçə dəfə baxmışam təkrar-təkrar. Amma o yazını görməmişdim. Yazmısan: "Ailə bir evdir. Həmin evin adı Xoşbəxtlikdir. Evin sütunları isə ailənin üzvləridir. Həmin üzvlərdən biri olmazsa xoşbəxtlik evi də dağılar..."
Hmm. Elədi. Düz 100 gündü ki, dağılıb bu ev... Seni cox isteyirem,....cox...

2 qadin 1 kishi

2ral — Sun, 14 Feb 2010 12:03:19 GMT


	Biri onu dünyaya gətirən qadın... Digəri isə ona yeni dünya yaradan...

Lionel Messi "Qızıl top" mükafatına sahib çıxdı

2ral — Tue, 01 Dec 2009 19:59:36 GMT

Fransanın "France Football" nəşrinin keçirdiyi "Qızıl top" sorğusu yekunlaşıb. Sorğuda hamıdan çox səs toplayan "Barselona"nın və Argentina milli komandasının üzvü Lionel Messi "Qızıl top" mükafatına sahib çıxıb...

Fransanın "France Football" nəşrinin keçirdiyi "Qızıl top" sorğusu yekunlaşıb. Sorğuda hamıdan çox səs toplayan "Barselona"nın və Argentina milli komandasının üzvü Lionel Messi "Qızıl top" mükafatına sahib çıxıb. Bununla da 22 yaşlı ulduz futbolçu 2009-cu ildə Avropanın ən yaxşı futbolçusu seçilib. Messi bu ada layiq görülən yeganə Argentinalı futbolçu kimi də tarixə düşüb.
Messi rəqiblərini böyük fərqlə üstələyib. Belə ki, o, 480 mümkün baldan 473-ünü toplayıb. Argentinalını "Real"ın və Portuqaliya yığmasının üzvü Kriştianu Ronaldo izləyib. Portuqaliyalı 233 bal toplayıb. Üçüncü yerdəki "Barselona"nın üzvü Xavi Ernandes 170 balla kifayətlənib. Andreas İnyesta isə 149 bal toplayıb.
Qeyd edək ki, 2008-ci ildə həm "Qızıl top", həm "Brilyant top"u Kriştianu Ronaldo qazanmışdı.

Oasis of the Seas

2ral — Mon, 30 Nov 2009 21:20:40 GMT

Dünyanın ən böyük kruiz gəmisi - Oasis of the Seas

Ardında 24 şəkil və ətraflı məlumat var...

"Oasis of the Seas" - bu üzən şəhərdir. Gəminin uzunluğu 360 metrdir. Su üzərindəki hündürlüyü isə 72 metrdir. Orta sürəti 42km/s. Laynerin 2165 ekipaj üzvü var. Sərnişinlərin normal sayı 5400 nəfərdir. Lazım gəldikdə isə layner ekipaj üzvləri nəzərə alınmadan 6300 sərnişin qəbul edə bilər.

Gəmi 2 ilə tikilib. Gəmini amerikan kruiz şirkəti olan "Roya Caribbean İnternational" sifariş edib. Gəmi 1,4 milyard dollara başa gəlib!

Layner müxtəlif istirahət zonalarından ibarətdir. Buranın öz "Mərkəzi Park"ı var ki, burada da 56 canlı ağac və 12min müxtəlif bitki var.

Bundan başqa gəmidə müxtəlif ölkələrin mətbəxlərini təmsil edən restoranlar, maqazinlər, tatuaj salonları, barlar, elmi araşdırmalar üçün laboratoriya, böyük kompyuter zalı, basseynlər, hətta çimərlik fəaliyyət göstərir.

Çox oturmaq sümük zəifliyinə səbəb olur

2ral — Mon, 30 Nov 2009 21:16:41 GMT

Çox oturmaq sümük zəifliyinə səbəb olur

Ardında ətraflı məlumat...

Günün çox hissəsini oturaq tərzdə keçirən insanların qan-damar sistemi daralır, əzələlərin elastikliyi azalır.
Araşdırmalara görə, günün çox hissəsini oturaq tərzdə keçirən insanların sümükləri zəifləyir, qan-damar sistemi daralır, əzələlərin elastikliyi azalır, beldə, boyunda ağrılar, oynaqlarda şəkil pozuqluğu meydana çıxır. Bunun qarşısını almaq üçün tez-tez qalxıb gəzinmək, əzələləri, oynaqları hərəkət etdirmək lazımdır. Saatlarla oturmaqla yanaşı, dirsəklənmək də orqanizmə xoş vədlər vermir. Bütün bunların qarşısını almaq üçün deyildiyi kimi, tez-tez durub gəzinmək, oturanda kürəyi dik tutmaq, masa arxasında çalışarkən əyilməyəcək tərzdə oturmaq, yəni oturuş qaydasını pozmamaq, masa ilə vücud arasında qolları sərbəst tərpətmək üçün ara məsafəni saxlamaq lazımdır. Bir saatdan bir qalxıb 5-10 dəqiqə gəzərkən əzələləri hərəkət etdirmək, müxtəlif idman hərəkətləri ilə məşğul olmaq vacibdir.

"Ana Uşağı" kimə deyərlər?

2ral — Mon, 30 Nov 2009 21:05:57 GMT

                     El arasında "Ana Uşağı" deyilən bir söz var...

                    Bu söz adətən kişilərə aid edilir...

                   Gəlin görək bu söz nə cür kişilərə aid edilir...

Onun 30 yaşına az qalıb: amma dilindən «anam» sözü düşmür. Az qala hər addımında anasının ağzını güdür: qızla tanış olanda, evlənmək istəyəndə, hansısa işə daxil olanda, kiminləsə dost olanda, özünə geyim alanda və s.

Anaya məhəbbət ali hissdir. Amma anadan asılı və ana ətəyindən düşməyən kişi olmaq heç də arzulanan deyil. Ana uşağı kişilər öz catışmayan cəhətlərini görmürlər. Bu tip kişiləri hec də hər qadın asanlıqla həzm etmir. «Ana uşağı kişi» sindromu əlacı olmayan «xəstəlikdir». Əgər oğlan uşağı körpəlikdən anadan asılı böyüyürsə, onun yaşlandıqca və təcrübəsi artdıqca müstəqil fikirli kişi kimi formalaşması cox cətin məsələdir.

Kimlər ana uşağı kişiyə çevrilir?

* Adətən, ana uşağı oğlanlar tam olmayan, yarımcıq ailələrdən çıxır; yəni ailədə ata yoxdur, ana övladlarını tək böyüdür;
* Qadın və qızların cox olduğu ailələrdə böyüyən oğlan uşaqları;
* Evin kişisinin arvad sözünə qulaq asdığı ailələrdə «ana uşaqları» böyüyür; yəni evdə söz demək hüququ qadındadır, uşaqların tərbiyəsi ilə də ancaq o, məşğul olur;
* Ərindən soyuqluq görən qadın mehrini oğluna salır, sevgisini, məhəbbətini ancaq ona sərf edir.

«Ana uşağı» kişilərin əlamətləri:

* O, hec də eynəkli, əli kitablı, ağ köynəkli, toppuş, əlləri qız əli kimi incə oğlanlara bənzəmir. Ana uşağı kişilər xarici görünüşcə kobud, qamətli və cəlbedici də ola bilərlər. Problem onların görünüşündə yox, psixologiyasındadır.
* Ən cox rast gəlinən xüsusiyyətləri:
* Təmiz, səliqəli görünür;
* Yaxşı yeməkləri və cox yatmağı sevir, restoran yeməklərini bəyənmir;
* Eqoist və özünü sevən olur;
* Ev işləri ilə maraqlanır;
* Harda olsalar da evə tez qayıdırlar;
* Qadınlarla söhbətləri yaxşı tutur;
* Saclarını daramağı və güzgüyə baxmağı xoşlayır;
* Atasından çox anasından danışır;
* Qadınlarda anasına bənzərlik axtarıb tapmağa calışır;
* Sevdiyi qızı anası ilə tanış etməkdən qorxur;
* Görüşdüyü qızla evdə telefonla danışmır;

Günah analardadır:

Ana uşağı kişiləri dünyaya bəxş edən anaları tanımaq elə də cətin deyil: O, ərindən boşanıb və ya duldur. Və ya ərindən istədiyi qayğını, məhəbbəti görmür. Hökmlüdür, tələbkardır. Günün 12 saatını iş başındadır. Evin bazarlığı onun üzərindədir. Vaxt azlığından ev işlərini görməkdə ona oğlu yardım edir. İllər keçsə də oğlu onun gözündə elə əvvəlki əmzik yeyən uşaqdır. Onun bir qorxusu var: kimsə yad qızı onun oğlunu əlindən alar. Ona görə də bu qadınlar artıq yekə kişi olmuş oğlanlarının ardınca gəzməkdən və onun həyatına müdaxilə etməkdən yorulmurlar.

"Aşağı baxma!" - Adrenalin həvəskarları üçün (11 foto)

2ral — Sun, 29 Nov 2009 11:14:06 GMT

"Aşağı baxma!" - Adrenalin
həvəskarları üçün

"Aşağı baxma!" - Adrenalin
həvəskarları üçün maraqlı şəkillər
Şərhlərinizi yazmağı unutmayın

Buyurun xəbərin davamına daxil olun
Xəbərin davamında 11 maaraqlı şəkil...

Köhnə sevgili yeni dost

2ral — Sun, 29 Nov 2009 09:14:55 GMT

"Her şey bitdi amma bəlkə dost qala bilərik" bu illərdir ayrılan cütlərin son danışmalarında keçən bir cümlədir.

Lakin əmin olun ki bunu bacara bilən kəslərin sayı çox azdır.

Köhnə sevgilnizi səmim bir dost kimi qəbul edərdinizmi?

Rəqslər

2ral — Sun, 29 Nov 2009 09:11:40 GMT

Rəqs növləri olduqca çoxdur.Bəs bizim istifadəçilər hansı rəqs növünü sevirlər?

Yerli rəqslərimizi yoxsa xarici?